يوم صادف من يودهـ ....

مدخل
مايحسّ اللي تحسّه غير من هو في فؤادك .. !

أكتبيني يا هموومي سطّريني فالدفاتر
و انسجي منّي حكاية للألم ثمّ أمسحيني

خابرن روحي و نفسي و الألم و الجررح خابر
كم غسلته بالدموع و كم مسحته باليديني

إيه يا قلبن مع الخلان كنّه فالمقابر
ما لقا فيهم كما اللي قد مسح لي دمع عيني

أبصره طيفن و أغنّي لا تكابر لا تكابر
و أبصره طيفن و أنادي ثمّ ما يلبث يجيني

مرّني وسط المنام و تلبس اعيونه مناظر
يسعده ربي لو انه أثّرت كلمته فيني

كلمته تعني وداااعا يا خويّ الروح هاجر
كيف أهاجر كيف أبنسى و اشتعل فيني حنيني

يمكن أرحل لكن أبقى معتلي كلّ المنابر
أروي النهايه أليمه و البدايه تهتويني

صبّرتني كلمته قبل النهاية أنت نادر
خلّك أنته في جواري خلّك أنته في يميني

محزمي وقت الشدايد محزمي وقت المخاطر
الصدوق اللي علومه باقيه بينه و بيني

قلت طيّب و افضحتني دمعتي فووق المحاجر
وين من هو يمسح الدمعات و يقبّل جبيني

يالحزن وين أنت رايح مسكنك في قلب صابر
لوّوعته أيّام مرّه كم بكى عبر السنيني

يوم صادف من يودّه و انشرح للحب خاطر
حالت الأقدار دونه وانقلب شوقه أنيني

أصبح ارشيف الخفوق بحزن وارد حزن صادر
تآآآصله برقيّة العينين من حين(ن) لحيني

كل ملف بيدخل الارشيف من كتلة مشاااعر
أو خواطر شخص شاطر و انصبوا حوله كميني

يالله إني طالبك ياربنا يا رب قاادر
تغفر اذنوب (ن) كما جمر اللظايا تكتويني

مخرج
وما يقدر وضعك إلا من تعيشه أو يعيشك .. !